2. mailakoak Durangoko planetarioan

Atzo Durangon eman genuen egun osoa. Bertako planetarioa bisitatu genuen eta ondoren Durangoko parkeetan eguraldi ederraz gozatu genuen.

ZINEMAKO ESPEZIALISTAK

Ebaluazio honetan 5. eta 6. mailakoak eskrima ikasten eta lantzen ibili dira. Ebaluazioaren amaierarako prestatu dituzte taldeka eskrimako koreografiak filmen abesti ezagunen musikarekin batera. Koreografia hauetan erakutsi dute ezpatak agertzen diren abentura filmetan gai direla espezialista lana egiteko.

KLIMA ALDAKETA

Friday for the future lelopean, mobilizazioak egiten ari dira  hainbat hiri eta herritan.

Nondik hartua: Diario Vasco egunkaritik

Eskolan ere gure hormairudia egin dugu

MARTXOAK 8

ERABAKITZEN DUDANA IZANGO NAIZ (Emakundea)

Emakume eta nesken ahalduntzea eta genero mugarik gabe beraien etorkizuna erabakitzeko eskubidea, martxoaren 8rako kanpainaren ardatzak.

La campaña del 8 de marzo se centra en el empoderamiento de mujeres y niñas y en su derecho a decidir su futuro sin límites de género.

Hezkuntza sailaren proposamena

Gehiago jakiteko, klikatu hemen

INKLUSIBITATEA

5. mailako ikasle batzuk lan bat egin dugu eta sentsibilizazioa izan dugu helburutzat. Historian zehar, mundu inklusiboago bat lortzeko, hainbat emakume eta gizonen lana goraipatu nahi izan dugu.

AMPA IGE ZORIONAK

Eskolako klaustrokideok zoriondu nahi ditugu Inauteri jaietan parte hartu duten IGEko partaide guztiak, kriston lana egin duzue eta. Larunbatean, kalejiran, eskolako izena entzun da: AUPA ARTEAGABEITIA!!!

Informazioaren iturria: Barakaldo digital

INAUTERIAK 2019

Jai-giroan murgilduz, kantuz, dantzan eta zarata eginez eskolako inauteriak ospatu ditugu.
Ikusteko gogoekin ez geratzeko, ikusi zein ondo pasatu dugun!

Country

Punk
Grease
Hippie

GORA INAUTERIAK

Ostirala heldu da, zelako poztasuna, mozorraturik ospatzen den jaia heldu zaigu!!!!
Ekitaldiarekin hasi aurretik, jolastokira atera gara taldeko argazkia egiteko.

 

 

 

 

 

  

 

 

 

TXISTU BANDA

Aurreko astean Barakaldoko txistu bandakoak eskolara etorri ziren eta 5. mailakoekin  egon ziren. Txistuaren inguruko historia eta bitxikeriak kontatu zizkiguten eta haien musika entzuteko aukera izan genuen ere.

GURE 8. IRRATI SAIOA MARTZAN

Kaixo, lagunak. Hemen duzue gure irrati saio berria. Disfrutatu! Guk gogoz egin dugu.
Audio recording >>

ZIENTZIA ETA NESKAK

Bideoaren jatorria

Emakume eta neska Zientzialarien Nazioarteko Eguna ospatzeko 4.mailako haurrak Clara Campoamor kultur etxera joan dira antolatutako ekintzetan parte hartzeko.
Ikusi nahi? Hemen duzue beraien BLOGA

Liburutegiko arduradunak, Andreak, eskolako espazio ezberdinetan emakume eta neska zientzialarien informazio interesgarria begibistan jarri digu. Lasaitasunez irakurtzeko aukera ederra izan dugu baita gure artean hitz egiteko ere.
Mila esker

LIBURUTEGIA

Andrea, liburutegiko arduradunak liburu hauek proposatzen dizkizuete, interesa baduzue liburutegitik pasatu eta maileguan eskatu.

• 10urtetik aurrera:

Martzelo itsua
Maite Mutuberria Larrayoz Pello Añorga López  2018

Martzelo haur itsu bat da. Halere, nahiz eta itsua izan eta begiak erabili ez beste haurrek bezala, oso ondo baliatzen da gainontzeko zentzuekin; esan nahi da eskuekin edo belarriekin. Hain ondo entzuten du, hain ondo ukitzen eta usaintzen, ezen, begien faltan, badirudi ikusi egiten duela belarriekin, ikusi eskuekin eta ikusi sudurrarekin. Halere, haur batzuek uste dute haur gaixoa dela. Baina, ez da gaixoa. Hori oso ondo daki Marimattalen Katiuxkak.

• Baloreak lantzeko, 6 urtetik 8 urtera  (Begoña Ibarrola)

Argia teilatupean  

Adela neskatxo urduria da. Egun batean, Nora ezagutuko du, teilatupeko auzokidea, oso emakume berezia, pintorea.  Harreman horri esker, Adelak adi egoteko gaitasuna eta pazientzia garatuko ditu, eta konturatuko da pintatzen ikastea ez dela erraza. Adelak Noraren konfiantza lortu, eta sekretu handi bat konpartituko dute.

Ipuin honen gaia PAZIENTZIA da.

Ibanen mendia

Ibanen herria itsusi samarra da. Etxeak ez daude zainduta eta zaborra kaleetan pilatu da. Aspaldian ez du euririk egin, baina Ibani ideia zoragarri bat bururatu zaio arazo hori konpontzeko. Ikaskideen eta herritarren laguntzarekin, herria berriz edertzea eta jendea gustura bizitzea lortuko du.
Denek egin beharko dute ahalegina eta elkarlanean aritu, zailtasunei amore eman gabe.
Ipuin honen gaia LANKIDETZA da

Eguzkitako betaurrekoal saguzahar batentzat

Saguzahar txiki bati esker, Paulinak bere amets handiena beteko du, neba Jaime eta aitonarekin batera. Aitonak bi umeen ardura dauka gurasoek beste herrialde batera alde egin dutelako lan bila.
Pertsonaia bakoitzak bere beldurrari aurre egin beharko dio, baina denek lortuko dute gainditzea.
Ipuin honen gaia AUSARDIA da.

Talismanaren klana

Mikelek Gerlarien klanean sartzeko eskaera egin du, jakin gabe zer froga zail jarriko dioten. Froga gainditzen saiatuko da, baina barrenak ez dio utziko.
Noarekin duen harremanak eta ipurtargi misteriotsu batzuekin topo egiteak lagunduko diote klan berri bat sortzen eta benetako adiskidetasunaren esanahia ulertzen.
Ipuin honen gaia ADISKIDETASUNA da.

Oharra: laburpen jatorriak ezagutzeko liburuen izenburuetan klik egin, hor estekatu ditugu eta.

JOSTAILUAK ETA BIRZIKLAPENA

Aste hauetan birziklapena lantzen ibili gara. Gauza pilo bat ikasi ditugu. Material birziklaturekin 4 jostailu desberdin sortu ditugu. Azkenik patiora eraman ditugu eta eskolako umeekin jolastu dugu. Denok elkarrekin primeran pasatu dugu. Hemen doazkizue argazki batzuk.

Argazki gehiago ikusi nahi? HEMEN

¿Os gustaría ver más fotos? AQUÍ

BARAKALDOKO ANTZOKIA

Pasa den otsailaren 13an 4 eta 5 urte geletako umeak  Barakaldoko Antzokira joan ginen.

“Inondik inora” saioa ikusi genuen.

Rudy eta Pepo, 5 urte geletako pelutxeak, eraman genituen gurekin eta oso ondo portatu ziren bai autobusean, kalean zein antzokian.

Barre asko egin genuen antzerkia ikusten eta Rudyri eta Pepori  ere asko gustatu zitzaien.

Beste egun batetan berriro joatea nahi dute pelutxeek.

Aiora Sedano, Leire Utxa eta Patricia Urrutia dira obra horren protagonistak eta hiruren artean umorea, poesia, zuzeneko musika eta txotxongiloak uztartzen dituen ikuskizuna eskaini dute . 50 minutu irauten duen emanaldian, postari baten zakutik atera daitezkeen gauzak ezagutuko dituzte, besteak beste.